Ang kapait may kinutuban…..

Pag kapait sa panahon karon…
Walay kapaingnan ang pag paningkamot.
Maski gibuhat na ang tanan, wala gyapoy katumanan
Ang gusto dili makab-ot….

Lisod tuisun ang kapalaran…
kay sila nag ingon mao na kana ang nakatatak sa palad.
Supak ako niini, Ang pagpaningkamot may bunga gayod!...
Ang kahuyang dili ipasulabi…

Ngano man ang mga kabos ngadto karon mi asinso?
Ngano man ang mag uuma nahimong hasyindero?
Maski ang nagbaligya sa saging minantikaan…
Karon na bwena mano

Kining tanan bunga sa pagpaningkamot.
Katakos sa kaugalingon inubanan sa pagsalig og pag ampo.
Ang tanan mahimong bahandianon…

Mga pagsulay , ayaw tagda kay kini lumalabay lamang.
Kay ang tanang kapait may kinutuban…